Texnologiya nəhəngi bölünür
Ölkə.az-ın verdiyi məlumata görə HP, texnologiya dünyasındakı həyatına iki ayrı firma olaraq davam edəcəyini açıqlayıb.
Şirkətdən verilən rəsmi açıqlamada, "Hewlett-Packard Enterprise" adı veriləcək olan yeni firmanın serverlər və məlumat saxlamanı təmin edəcəyi, "HP Inc" adını alacaq firmanın isə fərdi kompüter və printer satışı üzrə ixtisaslaşacağı qeyd edilib.
Beş illik planın bir parçası
Hər iki firmanın xalqa xidmət edəcəyi və "HP" logosunu daşıyacağı bildirilir. "HP CEO" Meg Vitman, iki yerə bölümnə qərarının, sürətlə dəyişən bazardakı imkanları dəyərləndirmək üçün qəbul edildiyini bildirib. İki ayrı şirkətə bölünmənin beş illik bir planın parçası olduğunu ifadə edən Vitman, buna baxmayaraq, keçmişdə şirkətin ikiyə ayrılması haqqında bir fikrin olmadığını da qeyd etmişdi. Vitman mətbuata verdiyi rəsmi açıqlamada, iki ayrı şirkətə bölünmənin yeni meydana gələcək firmalara, bazarlara və istehlakçı dinamikasına uyğunlaşacağını təmin edəcək müstəqillik, yeni hədəflər, maliyyə qaynaqları və elastiklik qazandıracağını bəyan edib.
"New York Times"ın verdiyi məlumata görə, alınan qərarın ardından "HP" çərşənbə günü keçirilməsi planlaşdırılan maliyyə-analitik konfransını təxirə salıb. Şirkətin hissələrinin dəyəri isə iki ayrı şirkətə bölünmə qərarınından sonra 4.6 % bahalaşıb.
Xatırladırıq ki, "HP", dünyanın ən çox yarımkeçirici satın alan firmalarından biri sayılır.
Ziya Rəhmanov
Ölkə.az
