Özünə keysəriyyə əməliyyatı edən qadın

Ölkə.Az xəbər verir ki, İnes Peresin heç bir tibbi təhsilinin və hazırlığının olmamasına baxmayaraq, əməliyyat uğurla başa çatıb. Həm qadın, həm uşaq sağ-salamat qalıblar.

Hadisənin bu cür cərəyan etməsinin səbəbi isə doğuş vaxtı İnesin həyat yoldaşının uzaq səfərdə olması və yaxın 90 km ərazidə lazımi tibbi yardımın olmaması olub. Nə qədər qəribə görünsə də, İnes Peresin yaşadığı kənddə cəmi bir telefon var idi.

Gecə yarısı martın 5-i artıq 12 saatdan artıq davam edən ağrılardan sonra İnes üç stəkan spirt içərək 15 sm ülgücə malik bıçağı əlinə alıb. 

Əməliyyatı tam yekunlaşdırmaq üçün İnes düz üç dəfə bıçağa əl atmalı olub. Bir saatdan da az vaxt sərf olunan əməliyyat nəticəsində İnes Peres uşağı dünyaya gətirmək üçün 17 sm dərinliyində kəsik edib. 

Bundan sonra İnes körpənin göbəyini kəsib və özünə gələndən sonra uşaqlarından birini yardım üçün göndərib.

Yaxınlıqda yerləşən klinikaların birində keçirdiyi 10 günlük müalicədən sonra qadın tam sağalıb. Baş verənləri İnes bu cür şərh edib:

" Mən artıq ağrılara dözə bilmirdim. Düşündüm ki, əgər mənim övladımın alnına ölmək yazılıbsa. mən onunla birlikdə ölməliyəm. Mən ümid edirdim ki, Allah məni və uşağımı qoruyacaq".

İnes Ramires özü-özünə uğurla keysəriyyə əməliyyatı etmiş yeganə qadındır. 2004-cü ildə bu hadisə beynəlxalq səviyyəli jurnallarda işıqlandırılıb.