iPhone almaq istəyənlər bu xəbəri mütləq oxusun

Ölkə.Az xəbər verir ki, "Consumer Reports" jurnalı  "iPhone-6", "iPhone-6 Plus", "iPhone-5", "HTC One (M8)", "LG G3" və "Samsung Galaxy Note-3" smartfonlarını əyilmə testindən keçiriblər.

Onlar sınaqları 30 saniyəyə 4,54 kg-la başladılar. Bundan sonra hər sınaqda daha 4,54 kg əlavə edərək testi davam etdiriblər. Nəticədə isə smartfonun korpusunu deformasiyaya uğratmaq və displeyinin korpusdan ayrılması üçün tələb olunan gücü təyin edə biliblər.

"iPhone-6" 31,75 kg-lıq təzyiqdən sonra əyilmiş, 45,36 kg-dan sonra isə tamamilə sınıb.

Bununla yanaşı, "iPhone-5 Plus" daha dözümlü olub və yalnız 40, 82 kilodan sonra əyilmiş, 49,9-da isə sınıb.

"iPhone-5" üçün isə müvafiq olaraq 58,97 və 68,04 kg kifayət edib. LG G3 58,97 kilo təzyiqdən sonra əyilmiş və sınıb.

Ən "dözümsüz" isə "HTC One (M8)" olub. O, 31,75 kiloda sonra əyilmiş 40,82-də isə sınmışdı. Ən güclü və möhkəm isə "Samsung Galaxy Note-3" müəyyən edilib. Onun göstəriciləri 68,04 kg olub. Lakin bundan sonra o işləməyib. Bir çox smartfonlar displeyin ayrılmasından sonra işləməyə davam ediblər. Hətta mühəndislər bu qurğular vasitəsilə zəng etməyə müvəffəq olublar.

Xatırladaq ki, bir müddət əvvəl "Apple" bəyan etmişdi ki, mühəndislər smartfonlara 25 kiloluq təzyiqlə üç nöqtədən təsir edərək sınayırlar.