Mətn ölçüsü:
  • 100%

İctimai nəqliyyatda xanımlarla necə tanış olmalı?

Bunu necə etmək lazımdır?

İctimai nəqliyyatda gedərkən oğlanların diqqəti çox vaxt əks cinsin nümayəndələrində olur. Bir-iki stansiya getdikdən sonra bəzi kişilər qarşıdakı xanımla hansısa yolla əlaqə qurmaq, tanış olmaq niyyətinə düşür. Bunu etmək isə hər adamın işi deyil. Kimisi zərif cinsin nümayəndəsinə gizlincə baxmaqla kifayətlənir, kimisi onun izinə düşür.

Bəs real şəkildə nəyəsə nail olmaq və bəlkə də gələcəkdə ciddi münasibətlər quracağın insanla ictimai nəqliyyatda tanış olmaq üçün nə etməli?

Ölkə.Az "Pickup.by" saytına istinadən xanımlarla ictimai nəqliyyatda tanış olmağın üsulunu təqdim edir.

Diqqəti necə cəlb etməli?

İctimai nəqliyyatda diqqəti cəlb etmək üçün fövqəladə düşüncəyə malik olmaq tələb olunmur. Burada baxış, gülüş və özünəəminlik əsas rol oynayır. Gördüyünüz xanıma güya bilmədən toxunmaq və o sizə baxdıqda gözlərinə baxaraq gülümsəmək kifayət edir. Ən başlıcası isə bunu əminliklə etməkdir.

Əgər siz xanımın yaxınlığındasınızsa, sadəcə "Bağışlayın xanım, deyəsən, ayağınızı əzdim" deyə bilərsiniz. O isə cavabında bunun baş vermədiyini deyə bilər. O zaman siz gülümsəyərək başqasının ayağına toxunduğunuzu deyə bilərsiniz.

Yol boyu ünsiyyət.

Rahatlamaq və sakit şəkildə onunla söhbət etmək və ya bir-iki kəlimə danışandan sonra ünsiyyəti davam etdirmək üçün onun nə vaxt və hansı stansiya, dayanacaqda çıxacağını soruşun. Əgər o tezliklə çıxırsa, onunla birlikdə yola davam etmək üçün marşrutunuzu dəyişin. Bununla siz öz məqsədiniz üçün bu cür xırda xərclər və zaman itkisindən qorxmadığınızı sübut etmiş olacaqsınız.

Əlaqə vasitələrinin mübadiləsi.

Ünsiyyət zamanı unutmayın ki, siz xanımın telefon nömrəsi və ya digər əlaqə vasitəsini götürməlisiniz. Buna görə də siz nömrənin əldə olunması üçün bəhanə fikirləşməlisiniz. Bu, sadəcə birlikdı qəhvə içmək və ya tanışlığın məqsədini açıqlayacaq işarə olmamalıdır. Çünki onun ətrafında sizin kimi düşünən çoxlu sayda insanlar var. Ancaq nömrəni aldıqdan sonra qətiyyən susmayın. O, sizin məqsədinizə nail olduqdan sonra onu vecinizə almadığını zənn edə bilər.

Zəng edərkən ona "Salam, dünən mən sənin ayağını əzdim" tipli cümlələrdən istifadə edin. Bu onu güldürəcək və sizin ünsiyyətiniz daha maraqlı və canlı olacaq.

Yuxarıda sadaladıqlarımız hər şey demək deyil. Bu günə qədər qadınların sirrini heç kim aça bilməyib və buna görə özünüzü günü-gündən təkmilləşdirməyə çalışın.

Ölkə.Az