Solaxaylar haqqında bilmədikləriniz

Ölkə.Az bildirir ki, bir sıra tarixi mənbələrə görə, məşhur Janna Darkın odda yandırılmasının səbəblərindən biri də onun solaxay olmasında idi.

Solaxaylıq ciddi fiziki qüsur hesab edilir. Orta əsrlərdə solaxay olanları cadugər adlandırıb odda yandırırdılar. O dövrdə əgər kimsə bir şəxsin mütəmadi olaraq sol əlindən istifadə etdiyini görsəydi, kilsəyə həmin şəxsin cadugər olduğunu bildirirdi. Məsələn, kilsənin təşkil etdiyi məhkəmələrin birində bir qadın sol əli ilə inəyi sığallamaqda ittiham edilirdi. Və o məhkəmə tərəfindən günahkar elan edilərək odda yandırılmışdı.

Yaponiyada qədim zamanlarda əgər bir kişi həyat yoldaşının solaxay olduğunu aşkarlasaydı, onunla dərhal boşanmağa haqqı var idi.

Bir sıra Afrika qəbilələrində və hind kəndlərində indiyə kimi solaxayların anadan gəlmə zəhərləyici olduqları hesab edilir. Bu səbəbdən onlar heç bir zaman solaxayları mətbəxdə çalışdırmırlar.

Hətta qəbilə başçıları solaxaylar sağ əllərindən istifadə etsinlər deyə onların sol əllərini yandırırlar və yaxud yaralayırlar.

Fövqəladi hallarda, həddindən artıq yorğun olduqda, stress zamanı və yaxud tez bir zamanda qərar qəbul etməli və tədbir görməli olduqda sağ əlləri ilə işləməyi öyrənmiş solaxaylar belə sol əlləri ilə fəaliyyət göstərməyə başlayacaqlar. Bizə belə bir hadisə məlumdur: solaxay təyyarəçi paraşütün açılması üçün sağ tərəfdə yerləşən düyməni tapa bilmədiyindən vəfat etmişdi.

Əgər solaxay 20 santimetrlik xətkeş üzrə 3 santimetrlik xətt çəkməli olsa, o, 20-dən 3-ü çıxacaq, sonra isə 20-dən 17-yə qədər xətt çəkəcək. Sağ əl ilə yazan isə sadəcə olaraq 0-dan 3-ə qədər xətt çəkəcək.

Solaxayların sayı daim azalır. Daş dövründə onların sayı 50%, bürünc dövründə 25%, hal- hazırda isə 5% təşkil edir. İl ərzində 2500-ə yaxın solaxay sağ əlləri ilə istifadə edənlər üçün nəzərdə tutulan əşyaları düzgün istifadə etmədikləri üçün bədbəxt hadisələrin yaranması səbəbindən vəfat edirlər.