"İnsan əti" satılan dükan

Bəli, əslində bu sadəcə Yaponiya alimlərinin növbəti kreativliyinin nümunəsidir

Ölkə.Az xəbər verir ki, Londonda yerləşən Smithfield adlanan yer yaxın zamanlara qədər adi alış-veriş yerlərindən biri hesab edilirdi.

Lakin payızdan bu məkan bütün dünyanı özünə cəlb etdi.Səbəb isə burada insan ətinin satılması oldu. Başqa ət dükanlarından fərqli olaraq satıcılar məhz insan bədənin  müxtəlif hissələrini müştərilərə təqdim edir.

Siz burada ət məhsullarının müxtəlif formalarına salınmış insan ətini ala bilərsiniz. 

Düşünərsiniz ki, axı bu necə ? Bəli, əslində bu sadəcə Yaponiya alimlərinin növbəti kreativliyinin nümunəsidir.Belə ki, kompyüter oyunları istehsalçısı olan Capcom şirkəti bu üsulla öz yeni Resident Evil 6 adlı oyununu reklam etmək qərarına gəlib. 

Dükanın adı "Wesker & Son" oyunun əsas qəhrəmanlarının adıdır. Kənardan çox iyrənc və vahiməli görünən insan hissələri isə donuz və inək ətinin müxtəlif formalara salınmasından yaranıb. 

Buna baxmayaraq oyunun həvəskarları bu bahalı əti almaqdan çəkinməyiblər. Lakin insanların qorxması səbəbi ilə düz bir gün sonra dükan bağlandı, ancaq bu oyunun populyarlıq qazanmasına mane olmadı. Maraqlısı odur ki, layihədən qazanılan məbləğ müxtəlif bədən hissələrini itirmiş əlillərə yardım üçün sərf edilib.

Rəşid Mustafazadə

Ölkə.Az