Homoseksuallar üçün məscid açıldı

Bir müsəlman alim ölüm təhdidləri və ağır tənqidlərə baxmayaraq Cənubi Afrikada homoseksuallar üçün məscid açıb

Ölkə.Az xəbər verir ki, Tac Hargey adlı alimin Keyptaun şəhərində açdığı "Açıq məsciddə" qadınlar da imamlıq edə biləcək. 

"Məscidi açıq fikirli insanlar üçün açdıqlarını söyləyən Hargey bunun radikal İslamçı axınlarına qarşı bir addım olacağına ümid edir.

İngiltərənin Oksford Universiteti Müsəlman Təhsil Mərkəzinin professoru olan Hargey BBC-ə verdiyi müsahibədə "dini inqilabın vaxtının çatdığını" söyləyib. 

Keyptaunda doğulan alim məsciddə dini, irqi və cinsi ayrıseçkiliyin olmayacağını və hər kəsə açıq olacağını vurğulayıb. 

Digər fərqli məqam isə məsciddə qadınların da imamlıq edəcəyi və kişilərlə eyni otaqda namaz qılacaqlarıdır.

Lakin Keyptaundakı Müsəlman cəmiyyəti mənsubları Hargeyin "azğın" olduğunu söyləyərək alimi sosial mediada tənqid yağışına tutublar. 

Hargey isə "Bizim məscidimiz Məhəmməd Peyğəmbərin məscidinin bir surəti və maneələri olmayan bir məscid olacaq. Qadınları görünməz edən düşüncə isə Məhəmməd Peyğəmbərin ardından ortaya çıxmış və təəssüf ki, basqın hala gəlmişdir", - deyərək etirazını bildirib.

Rəşid Mustafazadə

Ölkə.Az