iPhone 6 eşqi ilə ABŞ-a yollanan azərbaycanlı

Bakı sakini İbrahim Niyazov iPhone 6 əldə etmək məqsədilə okeanın o tayına yollanıb.

Ölkə.Az Baku.ws-ə istinadən bildirik ki, hazırda İbrahim Virciniya ştatında növbədə dayanır və yaxın dəqiqələrdə arzuladığı qurğuya qovuşacaq.

"Mən çox həyəcanlıyam. Məndən əlavə burda bir neçə azərbaycanlı da var. iPhone 6 burda 900 dollara satılır"- deyə o bildirib.

iPhone həvəskarı qeyd edib ki, bu məhsulu əldə etmək istəyənlər arasında günlərlə burda qalıb hətta xüsusi olaraq qurulmuş çadırlarda yatan insanlar var.

Xatırladaq ki, böyük maraqla gözlənilən iPhone 6 modeli eyni anda dünyanın müxtəlif ölkələrində satışa buraxılıb. Apple korporasiyası sentyabr ayına qədər 12 milyon iPhone 6 satmağı planlaşdırır. İlin sonuna qədər isə yeni model 100 ölkədə satışa çıxarılacaq.