Yerdən kənarda həyat varmı?

Həyat təkcə Yer kürəsindədir?

Ölkə.Az "billionnews.ru" saytına istinadən xəbər verir ki, Amerikanın Kornell universitetinin kimyaçı və fizikləri sübut ediblər ki, Titanın metan dənizlərində çoxalma, yerdəyişmə və maddələr mübadiləsinə malik hüceyrələr mövcud ola bilər. Bu barədə məlumat universitetin saytında yer alıb.

Yerdə həyatın yaranması və inkişafı fosfolipidlərsiz mümkünsüz olardı. Bu maddələr hüceyrələri xarici təsirlərdən qoruyan sukeçirməz membran əmələ gətirir. Fosfolipid köpüyü liposoma adlanır. Fosfolipidlər isə sudan olduqları üçün astronomlar səthində aşağı temperatur olan planetlərdə həyatın mövcudluğunu istisna edirlər.

Fərz etsək ki, orqanizmin hüceyrələri sudan yox, donma temperaturu kifayət qədər aşağı olan metandandırlarsa, həyat normalda yararsız sayılan şəraitdə də mövcud ola bilər. Məsələn, Titanda. Məhz bu fikrə əsaslanaraq alimlər metanda qurulmuş membran modelini azotosoma adlandırıblar. O, Titan dənizlərində olan azot, karbon və hidrogendən ibarətdir.

Molekulyar dinamika üsulu ilə alimlər mövcud şəraitdə orqanik membrana yığıla bilən birləşmələri hesablayıblar. Sözügedən birləşmə Yer kürəsindəki fosfolipid membrandan heç də az elastik olmayan və eyni zamanda möhkəmliyə malik akrilonitrildir.

Maraqlısı odur ki, akrilonitril məhz Titanda mövcuddur.

Ölkə.Az