Dünyada ilk dəfə: Göz toru köçürdülər

Dünyada ilk dəfə pasiyentə gövdə hüceyrələrindən hazırlanan gözün tor qişası uğurla köçürülüb

Dünyada ilk dəfə olaraq insana gövdə hüceyrələrindən hazırlan göz tor qişasının köçürmə əməliyyatı həyata keçirilib.

Bu barədə Yapon Dövlət Təbiət elmləri İnstitutu məlumat yayıb. İnstitutun mütəxəssisləri bildiriblər ki, əməliyyat bir gündən sonra müsbət nəticələrini göstərib.

Yaponiyalı mütəxəssislər 70 yaşlı makuldistrofiya xəstəsinə gözün tor qişasını köçürüblər. Əməliyyatdan bir gün sonra pasiyent bildirib ki, onun “görmə sahəsi daha işıqlı olub”.

Alimlər güman edirlər ki, bu, uğurlu əməliyyatın əlaməti ola bilər. Lakin, eyni zamanda, alimlər istisna etmirlər ki, belə dəyişikliklər qan cisimlərinin göz damarlarından adi yolla boşaldılmasının nəticəsidir. Ona görə də bu məsələdə qəti qərara gəlmək hələ çox tezdir.

Makuldistrofiya gözün tor qişasını məhv edir və bu, yaşlı insanlar arasında korluğun əsas səbəblərindən biridir.

Yaponiyada gövdə hüceyrələrinin istifadəsi ilə aparılan klinik təcrübələrdə yaşı 50-dən çox olan daha 5 makuldistrofiya xəstəsi iştirak edəcək. Onların üzərində də həmin əməliyyat aparılacaq.

 Ölkə.Az