Gənc qızı küçə iti ilə evləndirdilər
Hindistanın Yarkxand əyalətində gənc bir qız itlə evləndirilib və bunun üçün toy mərasimi təşkil edilib.
Ölkə.az xəbər verir ki, 18 yaşındakı Manqli Munda adlı qızın lənətli olduğuna inanıldığı üçün qızı küçə iti ilə evləndiriblər.
Qızın pis ruhlara sahib olduğuna inanan əyalət sakinləri onunla evlənəcək adamın öləcəyinə inanırlar.
Ağsaqqallar qızın pis ruhlardan xilas olması üçün itlə evləndirilməli olduğunu söyləyiblər. Buna görə də qızın atası Sri Ammunda qızını pis ruhlardan xilas etmək üçün simvolik toy mərasimi keçirib. Toy yerli adətlərə uyğun təşkil edilib.
Qeyd edək ki, əyalətdəki inanca görə, bir müddət itlə evli qalıb pis ruhlardan xilas olduqdan sonra qızlar başqa bir adamla evlənə bilərlər.
Orxan Mete
Ölkə.Az
