"Apple" şirkətinin illik qazancı nə qədərdir?
"Apple" şirkəti 2014-ci ilin ilk yarım ilində 43.7 milyard dollar pul qazanıb
Bu şirkətin gəliri "Facebook", "Google" və "Amazon" sosial şəbəkələrinin toplam gəlirindən çoxdur
"Apple"nin "iPhone" telefonlarının satışından əldə etdiyi gəlir yarım ildə 26 milyard dolları ötüb. Eyni müddət ərzində "Microsoft"un gəliri isə 20.04 milyard dollar olub.
"iPad" satışları ilin ilk yarım ilində "Facebook"un əldə etdiyi gəlirindən 3 dəfə çox olub. "iPad" satışlarından gələn gəlir 7.6 milyard dollar olubsa, "Facebook" cəmi 2.5 milyard dollar qazanıb.
ABŞ-da online film izləmə xidməti "Netflix" ilin ilk yarım ilində 4.37 milyard dollar qazanıb. Lakin "Apple" şirkətinin yalnız "iTunes" proqramı şirkətə 4.57 milyard dollar qazandırıb.
"Apple" şirkətinin ilk yarım ildə əldə etdiyi xalis gəlir 10.2 milyard dollar olub. Bu məbləğ "Amazon"un 20 ildə qazandığı gəliri keçib. "Amazon" 2003 və 2011-ci illər arasında toplam 5 milyard dollar qazanıb.
Gülnar Hüseyn
Ölkə.Az
