Pomidor yeməyin 4 əsas səbəbi

Ölkə.Az sayti salat, şorba və bəzi yeməklərə ləzzət verməklə yanaşı xüsusi görünüş də verən pomidordan istifadə etmək üçün 4 əsas səbəbi diqqətinizə çatdırır: 

Xərçənglə mübarizə: Tərkibində antioksidant ve anti enflamatuar maddələr olan pomidor xərçənglə mübarizə aparır. Pomidor bişirildikdən  sonra antioksidantlardan likopen daha çox təsirli olur. Qanda likopen artdıqca  böyrək xərçənginə tutulma riski 45% azalır, beyin və məmə şişlikləri yavaşlayır. Hər gün yeməklərə 4 ədəd pomidor və ya tomat pastası tökmək məsləhətdir.

Dəri sağlamlığı: Likopedən başqa tərkibində hidrosinamik turşusu olan pomidor dəri sağlamlığını qoruyur. C vitamini ilə yanaşı dəriyə elastiklik verir. Karotenoid maddələr günəşin zərərli şualarından qoruyur.

Gecə korluğu: Tərkibində A vitamini, lutein, zeaksant maddələri gecə korluğunun qarşısını alır.

C vitamini tərkibli: Bir ədəd pomidor gündəlik C vitamini ehtiyacımızın 40% ödəyir.

Gülnar Hüseyn

Ölkə.Az