17 metr uzunluğudakı balina ölü tapıldı
Hollandiyada 17 metr uzunluğunda ölü balina tapılıb
Ölkə.Az bildirir ki, Şimal dənizi sahillərində balıqçılar tərəfindən tapılan balinanın bir neçə gün əvvəl öldüyü məlum olub.
Kral Axtarış və Qurtarma Təşkilatı (KAQT) tərəfindən Haaqa Sckeveninqen sahilinə çəkilən balina "Naturalis" Təbii Tarix Muzeyi və "Utrekt" Universiteti mütəxəssislərinin idarəsindən keçdikdən sonra kəsilərək parçalara ayrılıb.
Dərisi və bəzi parçaları kran vasitəsi ilə daşınan balinanın skeletinin muzeyə aparılıb sərgiyə qoyulması gözlənilir. Mütəxəssislər balinanın ölüm səbəbinin hələ bilinmədiyini və bu istiqamətdəki araşdırmaların davam etdiyini bildiriblər.
Hollandiyalılar və turistlər diqqətlərini çəkən bu nəhəng balina ilə şəkil çəkdirmək üçün növbəyə düzülüblər.
Qeyd edək ki, Hollandiyada ilin bəzi mövsümlərində nəhəng balinalar sahildə tez-tez görünür. Həmçinin bu ayın əvvəlində Teksel adasında da 9 metr uzunluğunda ölü bir balina tapılmışdı.
Gülnar Hüseyn
Ölkə.Az
