"Krallar Vadisi"nin sirri

Qədim misirlilər fironları üçün nəhəng abidələr inşa edərək hər kəsdən gizlədikləri yeraltı qəbirlər üçün illərlə zaman və xəzinələr xərcləyiblər

Ölkə.Az xəbər verir ki, bu məşhur qəbirlərdən biri də Luksor yaxınlığında, Nil çayının qərbində yerləşən "Krallar Vadisi" deyilən bölgədir. Yəni krallıq (e.ə.1539-1075) dövründə bu vadi Tutanxamon, I. Seti, II. Ramzes kimi fironların, kraliçələrin, kahinlərin, rahiplərin və elit təbəqənin basdırıldığı bölgə olub.

Məzarlardan tapılan əşyalar və memarlıq əsərləri sirlərlə doludur. Həmin dövrdə öldükdən sonra o biri dünyada ruhun yenidən dirilməsi üçün ölən insanları mumyalayıblar. Yeraltı qəbirlərdə kralın o biri dünyada ehtiyacı olacaq bütün əşyalar qoyulurdu. Fironlar xəzinələri, maskaları, qızıl boşqabları və əşyaları ilə birgə basdırılırdı. Həmçinin mərasimlər üçün yemək-içmək, şərab və pivə qoyulurdu.

Yüz illərdir qəbir qazanlar və xəzinə axtaranlar "Krallar Vadisi"-ni alt-üst ediblər. 1922-ci ildə ortaya çıxan 62 məzarın da həmin vadiyə aid olduğu düşünülürdü lakin, Hovard Karter kral Tutanxamonun məzarını tapdıqdan sonra bütün deyilənlər yalan çıxdı. 2005-ci ildə arxeoloq Otto Şaden Tutanxamondan sonra ilk məchul məzarı kəşf etdi. Məzar Tutanxamonunqəbrindən 15 metr irəlidə tapılmışdı. 

Qeyd edək ki, KV63 adı verilən bölgədə qəbirlər, parçalar, çiçəklər və digər əşyalar da ortaya çıxarılıb.

Gülnar Hüseyn

Ölkə.Az