"Whatsapp"-dan yeni REKORD

"Whatsapp" istifadəçilərinin yeni sayı açıqlanıb

Ölkə.Az xəbər verir ki, "Facebook"un ötən qış 19 milyard dollara satın aldığı "Whatsapp" mesajlaşma platformasının inkişaf impulsu böyüməkdə davam edir.

Belə ki, artıq "Whatsapp" istifadəçilərinin sayı 600 milyon istifadəçiyə çatıb.

"Whatsapp" mesajlaşma platformasının təsisçisi və icraçı direktoru Yan Koumun "Twitter" vasitəsi ilə paylaşdığı məlumata görə mobil qurğularda "Whatsapp" tətbiqetməsindən aktiv şəkildə istifadə edənlərin sayı 600 milyona çatıb. Yan Koumun verdiyi məlumatlarda diqqəti çəkən ən mühüm məqamlardan biri isə qeyd olunan 600 milyon istifadəçinin ayrı-ayrı nömrələr istifadə edərək qeydiyyatdan keçmələridir.

Onu da qeyd edək ki, "Facebook"un nəzdində böyümə sürətini daha da artan "Whatsapp" mesajlaşma tətbiqetməsinin rəqibləri ilə arasındakı fərq böyüməyə davam edir.

Ölkə.Az