Özümüzü kişilərə necə sevdirə bilərik?

Xoşunuza gələn oğlanla indiyə kimi danışa bilmək imkanınız olmayıbsa, gözəl qadın olduğunuzu və onu bəyəndiyinizi ona bildirməyə çalışın. Necə?

İlk olaraq təbəssüm edin: Kişinin diqqətini çəkmək üçün ən asan yol gözlərinə baxıb gülümsəməkdir. Onunla rastlaşdığınızda gözlərinin içinə baxın və gülümsəyin, amma şişirtməyin! Daha sonra salamlaşıb, söhbət etməyə çalışın.

Rahat olun: Salamlaşdıqdan sonra söhbət aça bilməsəniz, əsla təşvişə düşməyin. Bəyəndiyiniz kişi ilə maraqlı söhbət etmək çətin görülə bilər, lakin məsələyə adi yanaşsanız bu mərhələni rahat keçə biləcəksiniz.

Komplimentlər edin: Kompliment söylədiyinizdə diqqətli olun, söhbətin əvvəlində kompliment söyləsəniz özünüzü pis vəziyyətə sala bilərsiniz. Lakin söhbət əsnasında kompliment söyləsəniz, kişi sizin yanınızda özünü yaxşı hiss edəcək.

Maraqlı olun: Sizə özündən bəhs etdirin. Əgər sizdən çox danışırsa bəyəndiyinə əmin ola bilərsiniz. Sadəcə gözlərinin içinə baxıb arada sual verməyiniz kifayətdir. Ortaq zövqlərinizi dəyərləndirin. Əgər zövqləriniz üst-üstə düşmürsə səbirli olun və ona hörmətlə yanaşın.  

Sizinlə görüşməyi çox istəyir?  Siz söhbət etdikdə ayaqlarına baxırsa, utandığını göstərir. Lakin əgər ətrafa və ya gözəl qızlara baxırsa, duyğularından şübhələnməlisiniz.

Əgər söhbət etdikdə bədənini siz tərəfə tutursa narahat olmayın. Görüşdüyünüzdə dırnaqlarınızı qurcalamaq, saçlarınızla oynamaq, ayaqlarınızı yelləmək kimi davranışlar etməyin. Sadəcə rahat olduğunuzu ona hiss elətdirin.

Gülnar Hüseyin

Ölkə.Az