Hüzur tapmaq üçün enerjinizi dəyişin
Yaydığınız enerjini dəyişməklə insanlarla olan münasibətinizi dəyişəcəksiniz
Ölkə.Az bildirir ki, daxilən yaşadığınız duyğusal hisslərinizə, başınıza gələn pis hadisələrə, bədbəxtlik hissinə görə və ya qərarsız qaldığınız vaxtlarda adətən qarşı tərəfi günahladırırsınız. Bu düşünülməmiş hərəkətlər sizdə bu fikirləri formalaşdırır:
Mənə heç dəyər vermir.
Mənə kifayət qədər diqqət göstərmir.
Məni istədiyim kimi sevmir.
Məni aldadır.
Belə misallar çox çəkə bilərik. İndi isə gəlin özümüzə bu sualları verək:
Mən niyə mənə dəyər verməyən kişilərin diqqətini çəkirəm?
Mən niyə mənə diqqət göstərməyən kişilərin diqqətini çəkirəm?
Mən niyə məni istədiyim kimi sevməyən kişilərin diqqətini çəkirəm?
Mən niyə mənə xəyanət edən kişilərin diqqətini çəkirəm?
İndi özünüzü necə hiss etdiniz? Bu suallar əslində sənə göstərir ki, əgər sənin həyatında sənə dəyər verməyən kişilər varsa bu o deməkdir ki, bu sənin yaydığın enerji ilə bağlıdır. Bu enerjinizı dəyiştirməlisiniz.
Bəs nə üçün belə bir enerji verirsiniz?
Çünki, bu sizin şüuraltı fikirlərinizin məhsuludur.
Bunu sizə yaşanmış hekayə ilə daha aydın başa salacam.
Bir qadın münasibətləri ciddi nöqtəyə çatanda bitirirdi. Artıq bütün bunlardan bezmişdi. Evlənmə ərəfəsində kişilərə rədd cavabı verirərək uzaqlaşdırırdı. İki dəfə nişanlısından, bir dəfə də sözlüsündən ayrılmışdı.
Daha sonra yaydığı enerji üzərində çalışmağa başladı. Çünki bu enerjini dəyişməməsi onu həyatı boyunca belə yaşamağa məcbur edəcəkdi. Beləliklə, xanımın anası dominat qadın olub və evləndiyi üçün peşman idi. Evləndikdən sonra işini tərk edən qadının sosial həyatı olmadığı üçün özünü xoşbəxt hiss etməyib. Buna görə də “evlilik insanın azadlığını əlindən alır. Ən yaxşısı subaylıqdır, kaş evlənməzdim” sözləri qızının şüuraltı fikirlərinə körpəliyindən təsir göstərib. Anasının bu halı onu hər zaman bu sözlərin təsiri altında saxlayıb. Deməli evlilik çox təhlükəli bir şeydir! Çünki anası həmişə depresiyada olub və qardaşlarına qarşı kobud davranıb.
Nə zaman evlənsəm xoşbəxt olmayacağam fikirləri ətrafına mənfi enerji verməsinə səbəb olub. Evlənmə vaxtı gəlib çatdığında beynində formalaşdırdığı fikirlər onu bu istəkədən döndürüb. Əks cinsin nümayəndəsinə kobud davranmağa, təhqir etməyə ya da onu aldatmağa başlayıb və kişini özündən uzaqlaşdırıb.
Bu fikrin üzərində işləyərək tamamilə bunu zehnindən silib: “Bu problemlə üzləşib həll edə bilməsəydim, ömrümün sonuna kimi yaydığım mənfi enerjidən xəbərim olmayacaqdı. İndi isə xoşbəxt bir ailəm var.”
Siz də şüuraltı olan fikirlərinizdən xilas olmayanadək yaydığınız enerjini dəyişə bilməyəcəksiniz.
Gülnar Hüseyn
Ölkə.Az
