Sizi daha da gözəlləşdirəcək bitkilər

Çünki insanı ən yaxşı tanıyan özüdür. Bəzən fikirləşirik ki, kimyəvi tərkibli maddələr, kremlər sizin köməyinizə çata bilər, lakin əksi də ola bilir. Bu gün biz sizə təbii üsullarla gözəlliyinizə gözəllik qatmağın üsullarını təqdim edəcəyik. 

Böyürtkən və moruq kimi meşə bitkiləri sizin dərinizdəki gərginliyi götürməklə yanaşı sızanaqlar üçün də təsirlidir.

Tərəvəz və meyvələr dəriniz üçün çox vacib qidalardır. Bəzi meyvələrin dəriniz üçün ən böyük faydası tərkibindəki turşulardır. Turşular gəncləşdirmək məqsədilə kosmetika məhsullarının tərkibində istifadə edilir. 

Hər gün yağı təmizlənmiş südlə üzünüzü silsəniz nəticəni öz gözlərinizlə görəcəksiniz. 

Balqabaq: Bir ədəd balqabağı soymadan bişirin. Soyuduqdan sonra içinə 1 qaşıq zeytun yağı  əlavə edin. Daha sonra onları əzin və üzünüzə çəkin. 20 dəqiqə sonra ilıq su ilə təmizləyin. Üzünüzün sanki yenidən doğduğunu hiss edəcəksiniz.

Kartof: Rəndələyin və içinə 1 çay qaşığı zeytun yağı əlavə edin. Üstünə yarım stəkan süd əlavə edib qarışığı maska kimi üzünüzə çəkin. Bu sizin yayda gün şüa və ləkələrindən qoruyacaq.

Cəfəri: Cəfərini kökləri ilə birgə qoparın. Üç-dörd ədəd köklü cəfərini yarpaqlarıyla bərabər 5 dəqiqə stəkanda qaynadın və soyumağını gözləyin. İçinə limon suyuda sıxın. Bu su ilə gündə iki dəfə (səhər axşam) dərinizi pambıqla silin. 

Noxud: Noxudda B1 və C vitaminlər ilə yanaşı protein, lif və folik turşusuda var. Bir ovuc noxudu əzin, içinə üzüm bəkməzi qatıb, yumurtanın ağını əlavə edin. Bir- iki damla zeytun yağı ilə bir çimdik yulaf ununu qarışdırın. Bu maska dərinizi qidalandıracaq və daima gümrah saxlayacaq.

Alma: Bu maskanı mütləq etməlisiniz. Dəriyə çox xeyirlidir. Almanı rəndələyin və 1 qaşıq balla qarışdırın. Həmçinin almanı süddə bişirib balla qarışdıra bilərsiniz. Bu maska həm normal həm də quru dərilər üçün faydalıdır. Lakin, 10 dəqiqə saxladıqdan sonra silməyi unutmayın.

Zəncəfil: yağlı dərilər üçün: 1 stəkan zeytun yağının içinə 1 qaşıq zəncəfil əlavə edin. Bu qarışığı 2 saat saxlayın. Sonra qarışığı üzünüzə çəkin.(Gözlərinizə və altına sürməyin) Bir saat sonra pambıqla təmizləyin və sabunlu suyla yuyun ki, dərinizdəki yağlar tamamilə getsin.

Yağlar: Lavanda yağı, bibər yağı və gül yağı da qırışıq dərilər üçün çox faydalıdır. Təbii ki, qatqısız olmağı şərtdir.