"iPhone 6"-nın qiyməti bəlli oldu

19 sentyabrda təqdimat olacaq

"iPhone 6" və "iPhone Air"in qiyməti və satışa buraxılacağı tarix haqqında məlumatlar mətbuata ötürülüb.

Ölkə.Az xəbər verir ki, "iPhone 6" və "iPhone Air" modelləri haqqında məlumatlar bu dəfə Çin mənbələrindən əldə edilmişdi. Uzun müddətdir ki , "iPhone" modellərinin texniki parametirləri haqqında müxtəlif məlumatlar yayılırdı, ancaq yaxın günlərdə bu telefonların iyul ayının sonu və ya avqust ayında istehsalına başlanacağı xəbərləri yayılmışdı.

Çin mənbələri tərəfindən internetə sızdırılan məlumatda "iPhone 6" və "iPhone Air"in 19 sentyabrda təqdimatının olacağı qeyd olunur. Eyni mənbədə "iPhone 6"-nın 850 ABŞ dollarına, 5.5 düyümlük ekran ölçüsündə olan "iPhone Air"in isə 1000 dollar qiymətində satışa çıxacağı vurğulanır.

Həmçinin qeyd edək ki, "iPhone 6"-da ekran 1704 x 960 piksel və 4.7 düyüm böyüklüyündə olacaq. Məhsulun prosessoru 2.0 GHZ, iki nüvəli "Apple A8 yonga", 1810 mah batareya, safir kristal ekran, 13 MP arxa kamera və IOS 8 əməliyyat sistemi ilə istehsal olunacağı gözlənilir.

Olke.az