ABŞ alimləri QİÇS-in müalicəsini tapıb

Elm adamları ilk dəfə QİÇS virusunun insan bədənindən tamamilə yox etməyin müalicəsinin yolunu tapıblar.

Ölkə.Az aljazeera.com-a istinadən bildirir ki, ABŞ-ın tanınan tədqiqatçısı Dr.Kamel Xəlili QİÇS virusunun DNA-nı  məhv edən üsullar tapıb. Aparılan araşdırmalar nəticəsində QİÇS olan nahiyədən nümunələr götürülüb və 20 nuklein (RNA) zənciri yaradılıb.

RNA zənciri hüceyrəyə daxil olduğu an QİÇS virusunu hədəf alır və 9709 nukleini məhv edir. RNA  zənciri insan DNA-na uyğun gəlmədiyi üçün bu yolla təmizlənmiş hüceyrə əldə edilib.

Alimlər  çıxarılmış hüceyrələri laboratoriya şəraitində təmizləyərək QİÇS virusunu məhv ediblər və bununla tarixdə böyük uğura imza atıblar. Lakin bu müalicə üsulu hələ insanlar üzərində tətbiq edilməyə başlanmayıb. 

Dr.Xəlili: “İlk dəfə laboratoriya şəraitində virusun necə məhv edilməsinə şahid olduq, QİÇS virusuna yoluxmuş hüceyrələri təmizləmək tibb aləmində çox uğurlu nailiyyətdir.” 

Qeyd edək ki, elm adamları bu üsulu ilk öncə heyvanlar üzərində tətbiq etməyi planlaşdırır. Əgər uğurlu nəticə alınarsa daha sonra insanlar üzərində sınaq keçiriləcək.

Gülnar Hüseyn

Ölkə.Az