Azərbaycanda internet-trafik sürətləndiriləcək

“Avropa-Yaxın Şərq informasiya magistralı”na qoşulma buna imkan yaradacaq.

“Avropa-Yaxın Şərq informasiya magistralı”na (EPEG) qoşulma Azərbaycanda 3,2 Tbit/s sürətlə trafik ötürmə imkanı yaradacaq. Bu da ölkə daxilində təklif olunan internet xidmətlərinin həm keyfiyyətinə, həm də qiymətinə müsbət təsir edəcək.

Rabitə və Yüksək Texnologiyalar Nazirliyindən verilən məlumata görə, bu barədə “Rabitə və İnformasiya Texnologiyaları Nazirliyi - 2013” adlı illik hesabatda qeyd olunub.

Hesabatda qeyd olunur ki, Avropadan Asiyaya olan dənizaltı rabitə kanallarından ən qısası olan “Avropa-Yaxın Şərq informasiya magistralı” Almaniyadan Omana qədər çox böyüktutumlu rabitə kanallarının Asiya ölkələrinə çatdırılmasını nəzərdə tutur./apa-economics/

Ölkə.Az