Məşhur istirahət mərkəzində diskoteka və əyləncələr dayandırıldı

İki gündür Azərbaycan-Ermənistan sərhəddində gedən atışmalar nəticəsində ordunun 13 hərbçisi şəhid olub.

Bununla bağlı bölgələrdə yerləşən istirahət mərkəzlərindən reaksiya gəlib. Ölkə.Az-ın “Qafqazinfo”ya  istinadən verdiyi xəbərə görə, Nabranda yerləşən “Atlant” istirahət mərkəzi müştərilərinə əyləncələrin məhdudlaşdırılması ilə bağlı yazılı xəbərdarlıq edib.

 Yazını özündə əks etdirən foto istifadəçilər tərəfindən "Facebook" sosial şəbəkəsində paylaşılıb:

 “Azərbaycanın işğal olunmuş əraziləri boyu Ermənistan qoşunları tərəfindən atəşkəsin pozulması nəticəsində şəhid olmuş Azərbaycan şəhidlərinin matəmi ilə əlaqədar 02 və 03 avqust 2014-cü il tarixlərində “Atlant Ailəvi” istirahət və əyləncə mərkəzində diskoteka və digər əyləncələr dayandırılacaq.

 Müdriyyət".