Bu gün Bakı metrosunda terror baş verə bilər!

Ölkə.Az xəbər verir ki, gənc bloqqer Orxan Rza öz bloqundan (orkhanrza.com) jurnalistlərə səslənib.

Gün ərzində metrodan 750-800 min insan istifadə edir. Bu qədər insanın təhlükəsizliyini qorumaq həddən artıq önəmli məsələdir. Amma hazırda metro stansiyalarında təhlükəsizliyimizi qorumaq üçün növbədə duran polis əməkdaşları öz vəzifələrini necə yerinə yetirirlər?!

Yəqin ki, metrodan istifadə edən istənilən insan bunu müşahidə edib ki, polis işçiləri yalnız kefinə düşəndə əlində zənbil, bağlama olan vətəndaşları yoxlayıb, buraxır. Əksər hallarda isə siz istənilən ölçüdə əşya ilə metroya rahatlıqla daxil ola bilərsiniz. Bu isə metroda istənilən vaxt qorxulu faciənin baş verə biləcəyi ehtimalını yaradır.

Bu hal hər zaman üçün aktual problemdir. Amma təəssüf ki, polis işçilərinin bu məsuliyyətsizliyinə nə aidiyyatı qurumlar tərəfindən, nə də sərnişinlər tərəfindən ciddi reaksiya göstərilmir. Əfsuslar olsun ki, ən əsası, jurnalistlərimiz tərəfindən də bu mövzu gündəmə gətirilmir. İndiyədək mətbatda bu problem haqda yazılması, sujet hazırlanması yadıma gəlmir.

Mən sırf jurnalistlərə səslənirəm: Lütfən bu mövzunu diqqətə alın, reportajlar hazırlayın, aidiyyatı qurumalara müraciət edin. Demirəm ki, gizli çəkilişlərlə polis işçilərinin işdən qovulmasına cəhd edin, əksinə maarifləndirici, xəbərdaredici mövzularla bu gün baş verə biləcək faciənin qarşısını almağa kömək edin!