Burnunu göstər, deyim kimsən və ya buruna əsasən insan xasiyyətini necə öyrənməli?

Buruna əsasən xasiyyəti necə müəyyən etmək olar?

Bilirdinizmi ki, buruna əsasən insan xasiyyətini, qulaqlara görə isə intellektual səviyyəni müəyyən etmək mümkündür. Bu fikir İnsanın üz cizgilərinə əsasən xasiyyətinin diaqnostika mərkəzinin təsisçiləri Mark Luçin və Nelli Orlovskaya iddia edirlər.

Sizcə, niyə alçaq boylu insanlar basketbol oynamırlar? Əlbəttə, bunun əsas səbəbi onların fizioloji xüsusiyyətləridir. Deməli insanın bədən quruluşu, üz cizgiləri onun davranışına, peşə seçiminə təsir edir.

Ölkə.Az xəbər verir ki, insan burnunda müxtəlif qoxuları qəbul edən xüsusi qəbuledicilər var. Burnun uzunluğu nə qədər çox olarsa, qoxu haqqında siqnal beyinə bir o qədər gec çatır. Bu cür insanlar düşüncəli və uzunsürən həyata öyrəşirlər. Onların reaksiyası gecikmiş, lakin düşünülmüş olur. Qısa burnu olanlar isə hər şeyə sürətlə reaksiya verirlər.

Burnun sınması halı xasiyyətin dəyişməsinə səbəb olur, lakin bunun üçün müəyyən zaman tələb olunur. Böyük insanlarda bu proses daha gec olur, bəzi hallarda isə ümumiyyətlə baş vermir.

Burnun uzunluğuna əsasən xasiyyəti müəyyən edək:

Uzun burun hissiyatlılıq və ehtiyatlılıq, qısa isə aydınlıq və konkretlilik deməkdir. Bunu bəzi fizioloji qaydalar sübut edir. Ailə qurarkən burunların uzunluğuna diqqət etmək lazımdır. Eyni uzunluqda olan burunlara malik şəxslərin münasibətləri daha uğurlu olur.

Burnun ucuna əsasən xasiyyəti müəyyən edək:

İti burun ucuna malik şəxslər xırdaçı və daha bezdirici, şiş uclu burun sahibləri isə hər şeyə qlobal yanaşırlar. İkincilər hər şeyi rahat və səbrlə qəbul edir, panikaya düşmürlər. Birincilər isə xüsusi diqqət, zərgər dəqiqliyi tələb edən işlərdə uğur qazanırlar.

Əlbəttə, burun və digər orqanlara əsasən xasiyyətin müəyyən edilməsi haqqında deyilən fikirlər çoxdur, onlar barədə daha geniş məlumat fizioqnomika elm sahəsinə dair tədqiqatlarda əks olunub.

Rəşid Mustafazadə

Ölkə.Az