Lisenziyasız "Windows" işlədənlərə bəd xəbər

Məsələ sual altındadır.

Ölkə.Az xəbər verir ki, orijinal Windows 7 və ya Windows 8 istifadəçiləri ilk 1 il boyunca Windows 10-a pulsuz olaraq keçid edə biləcəklər.

Lakin lisenziyasız, yəni pirat Windows istifadə edənlərin Windows 10-a n keçid etməsi sual altındadır.

"Microsoft"da əməliyyat sistemləri qrupunun başçı köməkçisi Terri Mirson bildirib ki, Windows 10-a pulsuz keçid etmək üçün yalnız orijinal Windows 7 və ya Windows 8-a sahib olmaq tələb olunur. Beləliklə, pirat Windows istifadəçilərinin arzusu ürəyində qalacaq.

Mirson bu prosesin lisenziyası olmadan əməliyyat sistemini istifadən edənlərin də edə biləcəyini, lakin bunun müəyyən ödəniş qarşılığında mümkün olacağını bəyan edib. O, konkret rəqəm deməyib.

Ölkə.Az