Məşhur “beyscamper” 2500 metr hündürlükdən tullanaraq həlak oldu

Dünyaca məşhur idmançı-ekstremal Din Potter Yosemit milli parkında (ABŞ) növbəti başgicəlləndirici tryukunu həyata keçirməyə çalışarkən həlak olub.

Müasir dövrümüzün ən yaxşı “bescamper”lərindən biri olan Potter, Taft-Poynt baxış meydançasından tullanmaq istəyib. Buradan Yosemit vadisinə və şəlaləsinə, eləcə də Şimali Amerikanın El-Kapitan dağ zirvəsinə gözəl mənzərə açılır.

Tullanış üçün 43 yaşlı Potter vinqsütdən - əllərində qanadları olan xüsusi kostyumdan istifadə edirdi, bu kostyum uçuş zamanı manevr etməyə imkan verir. Vinqsüt ilə eniş zamanı paraşütdən istifadə edilir, bu tullanışda paraşüt açılmayıb.

Çox güman ki, peşəkar beyserlər Potter və onun tərəfdaşı Qrem Hant mürəkkəb xətt üzrə relyefə yaxın uçublar. Çox güman ki, ekstremallar uçuşun hündürlüyünü düzgün hesablamayıblar və paraşütləri açmağı çatdırmayıblar.

Öz həvəskar karyerası dövründə Potter bir neçə rekord qeyd edib: 2008-ci ildə o, Bern Alpında Eyger dağından atlayaraq vinqsüt kostyumunda səkkiz km-ə yaxın məsafə uçub, 2010-cu ildə isə El-Kapitan zirvəsində Nouz qayasından atlayaraq iki dəqiqə ərzində eniş edib.

Din Potter və Qrem Hantın cəsədlərini xilasedicilər Taft-poyn vadisində tapıblar.

Müsahibələrinin birində, Potter onun macəralarının nə dərəcədə təhlükəli olduğunu dərk etdiyini bildirib, amma özündə uçuşa olan həvəsinin qarşısını ala bilmədiyini söyləyib.

Yosemitin administrasiyası xatırladıb ki, Potter qeyri-qanuni fəaliyyət göstərirdi: “beyscampinq” parkın ərazisində qadağan edilib.oxu.az

Ölkə.Az