İnsanlar keçmişdə fotolarda niyə gülümsəmirdilər? - SƏBƏB

"Ölkə.Az"ın məlumatına görə, bunun bir neçə məntiqli tarixi səbəbi var.

19-cu əsrdə fotoaparatlar çox böyük, ağır və gec işləyən cihazlar idilər. Bir fotonu çəkmək çox vaxt aparırdı və adamlar tərpənmədən dayanmalı idilər ki, foto çəkdirə bilsinlər. Bu səbəbdən də insanların uzun müddət gülümsəyərək dayanması mümkün olmurdu.

XX əsrdən etibarən fotoaparatlar xeyli inkişaf etdirildi. Artıq gülümsəyərək foto çəkdirmək texniki olaraq mümkün idi. Lakin insanlar yenə də foto çəkdirəndə çox nadir hallarda gülümsəyirdilər. Bunun bir başqa səbib də həmin dövrdəki mədəni vəziyyət, insanların psixologiyası idi.

İnsanlar foto çəkdirməyi ciddi qəbul edirdilər. Çünki bu, bahalı idi. O dövrün adamları foto çəkdirmiyə ölümsüzlük kimi baxırdılar və fotolarda ciddi dayanmağa çalışırdılar. Hətta fotosu olmayan insanların öldükdən sonra cəsədləri geyindirib fotosunu çəkdirirdilər ki, görüntülərini saxlaya bilsinlər.

Fotolar çox dəyərli və maraqlıdır. Hər şey kökündən dəyişib. Artıq fotolarda gülə bilirik və xoşbəxtliyimizi tam göstərə bilirik.