Qorbaçovun qızı və nəvələri Rusiyaya dönmək istəmir, Putinin övladları da... - Maraqlı həyatları
Təkcə Mixail Qarbaçovun övladları, nəvələri deyil, bir zamanlar SSRİ rəhbərləri olmuş və indidi Rusiyada ən yüksək vəzifədə olanların övladları öz Vətənlərini tərk edərək daha çox Avropa və digər ölkələrdə yaşamağa üstünlük verirlər. Faktlar yetərincədir. Hətta Putinin övladları belə Avropa ölkələrində məskunlaşıblar.
Mixail və Raisanın yeganə övladı İrina da digərləri kimi Rusiyada deyil Avropada məskunlaşıb yaşamağı üstün tutub.
1957-ci ildə anadan olan İrina ali tibb təhsili alaraq həkim terapevt kimi fəaliyyət göstərir. Həkim yoldaşı cərrah Anatoli Virqanskiylə ailə qursa da, 16 illik evliliklərinə 1993-cü ildə son verirlər. Bu evlilikdən İrinanın Ksyuşa və Nastya qızları dünyaya gəlir.
Boşandıqdan sonra İrina tərəddüd etmədən əşyalarını yığaraq Almaniyaya köçür və burada Qorbaçov Fondunun işinə nəzarət edir. O, Almaniyanı Bavariya əyalətində - Münhendə yerləşir.
İrinanın Virqanski ilə boşanmasının səbəbi kimi iş adamı Andrey Truxaçovla eşq məcarası yaşadığı da göstərilir.
Almaniyada yerləşən İrina ardınca qızlarını da öz yanına dəvət edir.
Atası Mixail Qorbaçov belə, səhhəti normal olduqda tez-tez Almaniyaya səfər edərək, onları ziyarət edib. Onlar Yeni ili birlikdə qeyd edib, “Şelkunçik” tamaşına baxıb, bayram gəzintisi təşkil etməyi xoşlayırdılar.
Mixail Sergeyeviçin böyük nəvəsi Ksyuşanın 41 yaşı var. İki uğursuz evlilikdən sonra Kseniya Qorbaçova siyasətçi babasının soyadını daşımağa qərar verir.
Uşaqlıqdan bəri istedadlı və ağıllı bir qızın ictimai sahədə ciddi karyera əldə edəcəyi proqnozlaşdırılırdı. Ksyuşa MGIMO-nun jurnalistika fakültəsini bitirib əvvəlcə "Grazia" nəşrinin köşə yazarı kimi fəaliyyətə başlayıb. Sonra PR mütəxəssisi olaraq karyera qurmaq qərarına gəlir. Kseniya özünü dünyəvi "L'Officiel Russia" jurnalının baş redaktoru kimi də sınayıb.
Ksyuşanın şəxsi həyatı ilə bağlı çoxsaylı əfsanələr var. Qızın ilk əri tələbə nikahı boşanma ilə bitən Kirill Soloddur. İkinci isə Viktor Drobişin prodüser mərkəzində tanış olduğu piar menecer Dmitriy Pırçenkov olub.
Dmitriy Avraam Russonun konsert direktoru vəzifəsində çalışdı. Ksyuşa onunla birlikdə Rusiyadan Almaniyaya gedir. 2008 -ci ildə cütlüyün Aleksandra adlı qızları dünyaya gəlir. Qız alman məktəbində oxusa da, rus dilini də yaxşı bilir. Bəzi məlumatlara görə, Kseniya Qorbaçovdan yenidən boşanır və tənhalıqdan zövq alır.
Berlində öz işini quran Ksyuşa Rusiyaya dönmək niyyəti yoxdur. O bununla bağlı alman mediasına verdiyi müsahibəsində deyib ki, bir çox əcnəbilər mənə Moskvanın nə qədər yaxşı olduğunu söyləyir: “Moskvada elə gözəl gecə klubları və restoranlar var. Oradan onqata bahasına gözəl şeylər almaq mümkündür. Amma problemləri görmürlər... Sadə bir misal deyim: təsəvvür edin ki, pasportunuzu itib və polisə müraciət edirsiniz. Amma sizə yardım edən olmur. Bu hələ ən kiçik problemdir”.
Qorbaçovun ən kiçik nəvəsi Anastasiya Virqanskaya 1987-ci ildə anadan olub. Öz bacısı kimi, xaricdə yaşamağın hüzurunu və sevincini tapıb. O da MGİMO-nun jurnalistika fakultəsinin məzunudur. Trendspace.ru saytının baş redaktoru və "Grazia" jurnalında çalışır. 24 yaşında Almaniyaya köçmək üçün anasının ardınca getməyə qərar verir.
Orada bacısı Kseniyanı tez -tez görürlər. Çünki hər ikisi də Berlində yaşayır. O, Rusiyaya nadir hallarda, xüsusən də vacib ailə məsələləri ilə bağlı səfər edirlər.
Nastya Kseniyadan fərqli olaraq ictimaiyyət qarşısına çıxmağı elə də sevmir. O, ancaq təsadüf hallarda toplantılara qatılır.
Hazırda Anastasiya işləmir və bütün vaxtını 6 yaşındakı oğlunu böyütməyə həsr edib. Necə deyərlər, adi bir alman evdar qadınıdır.
Anastasiya da anası və bacısı ilə bir məsələdə həmrəydir. O da Rusiyaya qayıtmaq istəmir. Keçmiş baş katibin nəvəsi bir dəfə instaqramda yazıb ki, Berlində qalmağı və burada vətəndaşlıq almağı düşünürlər.
Mürtəza
Ölkə.Az
