Sahibsiz insanı işə götürdü və...
Bu hekayənin real olmasına inanmaq çətindi, çünki həddindən çox xeyirxahlıq var.
Sizə danışacağımızı əhvalat bir neçə gün öncə baş verib. Belə ki, avstriyalı iş adamı evsiz-eşiksiz bir insanı gözlənilmədən dülgərlik sexinə işə qəbul edərək, həyata başlamaq üçün şans verib.
Ölkə.Az xəbər verir ki, avsriyalı Herbert Hartl bu tarixçəni şəxsi "Facebook" hesabında paylaşıb və yüz minlərlə insanın qəlbinə toxunmağa bacarıb. İnanılmaz hadisə Yuxarı Avstriyada Untervaytersdorf yanacaqdoldurma məntəqəsində axşam saatlarında baş verib.
Ümidini itirmiş və kədərli gözləri olan bir nəfər şəxs Herbertə yaxınlaşıb və deyib:
"Mən artıq 6 aydır ki, iş axtarıram. Bir çox yerlərə müraciət etmişəm, ancaq heç kim məni qəbul etmir. Mənim yemək almağım üçün heç pulum da yoxdur".
Gənc iş adamı buna qədər onun bir neçə insana yaxınlaşdığını müşahidə etmişdi, lakin hər kəs ona eyni mənfi cavabı verirdi.
Yiyəsiz insanın sözləri Herbertin ürəyinə toxunub və o, çox düşünmədən onu işə götürməyi qərara alıb.
"Mən sənə iş təklif edirəm. Sabah 07:30-da başlaya bilərsən.
Qarşısındakı şəxsin iri dülgərlik sexinin sahibi olduğunu bilməyən sahibsiz insan kövrəlib və ağlamağa başlayıb. Özünü Miroslav kimi təqdim edən sığınacaqsız insanın bu gecəni də avtobus dayanacağında gecələməməsi üçün Herbert onu otelə apararaq ərzaq alması üçün pul verib.
"Təşəkkür edirəm. Bu gün mənim həyatımın ən xoşbəxt günüdür", - deyə Miroslav Sova bildirib.
Növbəti gün düz saat 06:00-da o, yeni iş yerində olub.
Bir neçə gün ərzində Çexiya Respublikasından olan Miroslav dülgər sexinin kollektivinin bir hissəsinə çevrilib. Onun bir aylıq maaşı 1250 avro təşkil edib.
"Mənim yardım etməyə imkanım olub və mən bunu etdim. 10 il əvvəl mən bu kişinin vəzifəsində işləmişəm. Bununla belə, mənə hərtərəfli yardım edirdilər. İndi isə başqasına yaxşılıq etmək şansı əlimə düşüb", - deyə Herbert deyib.
Sonda gənc iş adamı insanlara bu sözlərlə müraciət edib:
"Təsəvvür edin ki, hər kəs imkan daxilində bir-birinə yardım etsəydi, dünya azacıq da olsa yaxşı olardı. Hər kəsin iş vermə imkanı yoxdur, amma hər bir insan bəlaya düşən yaxınına hansısa şəkildə kömək edə bilrə!"
Rəşid Mustafazadə
Ölkə.Az
