11 yaşlı qız Linkolna prezident olmağa necə kömək etdi?

Tarixin gizli məqamları.

Hər kəs ABŞ-ın 16-cı prezidenti olmuş Avraam Linkolnun saqqal saxladığını çox gözəl bilir.

Lakin çox az adam bilir ki, ona bu saqqalı Nyu York ştatının balaca şəhərində yaşayan 11 yaşlı qız tövsiyə edib. Belə ki, 1860-cı ildə 15 oktyabr tarixində ABŞ prezidenti Avraam Linkoln Vestlend şəhərində yaşayan 11 yaşlı Qreys Bedel adlı qızdan məktub alıb.

Gənc amerikalı Linkolnun tərəfdarı olub və hesab edib ki, prezidentin çox arıq üzü var. Buna görə o, prezidentə saqqal saxlamağı məsləhət bilib. Məktubda deyilib:

"Mənim həddi-buluğa çatmış 4 qardaşım var və onlardan biri, sözsüz ki, sizə səs verəcək. Lakin əgər siz saqqal saxlasanız, mən digərlərini nümunə götürməyə inandıracağam. Saqqalla siz daha uyğun olacaq, çünki sizin arıq üzünüz var. Bütün xanımlar saqqallı sevir və bu səbəbdən onlar ər və sevgililərini sizə səs verməyə məcbur edəcəklər. Bununla da siz prezident olacaqsınız".

1860-cı ildə 19 oktyabrda Linkoln cavab verib:

"Mən əvvəl heç vaxt saqqal saxlamamışam. Düşünmürsünüz ki, indi saqqal saxlamağa başlasam, hər kəs məni axmaq hesab edər?.

Buna baxmayaraq, Avraam Linkoln qızcığazın tövsiyəsinə əməl edib və 1860-cı ilin 6 noyabrında Demokratik partiyadan olan rəqibini üstələyərək ABŞ-ın 16-cı prezidenti seçilib. O dövrdə onun 51 yaşı olub və onun fikrincə, saqqal onu daha sərt görünür. Ancaq saqqal hər kəsin xoşuna gəlmədi, bəzilərini isə qıcıqlandırırdı.

Linkoln ömrünün son 4 ilində saqqallı olub və hər yerdə bunu gənc amerikalı qızın məsləhəti ilə etdiyini deyib. Bir gün isə prezidentin İllnoysdan Vaşınqtona səfəri zamanı o, Vestlend şəhərində dayanıb və xalqın qarşısında çıxış edərdək aralarında Qreys adlı qızın olub-olmadığını soruşub.

Yerdən bir nəfər qız "Bəli" deyib. Prezident onu səhnəyə dəvət edib və əllərində qaldıraraq, məhz onun sayəsində ABŞ prezidenti olduğunu bəyan edib.

Rəşid Mustafazadə

Ölkə.Az