“Facebook” hesabı olmayanlar üçün

Hər ikisində birdən qeydiyyatdan keçməklə daha önəmli üstünlüklər əldə etmək mümkündür.

Ölkə.Az xarici mediaya istinadən xəbər verir ki, bundan sonra “Facebook” hesabı olmayanlar da “Facebook” “Messenger”dən istifadə edə biləcək və üstəlik bunun üçün elektron poçt ünvanına ehtiyac olmayacaq.

“Facebook” “Messenger”ə gətirilən yeniliklə bağlı yayımladığı yazıda bildirib ki, yeniləmə sayəsində daha çox insan “Messenger”də paylaşılan videolar, şəkillər, qrup söhbətləri və digər xüsusiyyətlərdən faydalana biləcək.

Hal-hazirda “Messenger”in 700 milyon istifadəçisi var və bu son yeniliklə bağlı “Facebook” istifadəçisi olmayan şəxslər də “Messenger”dən istifadə edə biləcəklər. Amma “Facebook” hər ikisində birdən qeydiyyatdan keçməklə daha önəmli üstünlüklər əldə edəcəklərini istifadəçilərinin diqqətinə çatdırıb.

Səda Bədirova

Ölkə.Az