Şəkillərdə gözəl görünmək üçün mühüm

Fotogenikliyin sirri nədədir?

Zamanı dayandırmaq mümkün deyil, ancaq zamanın bir anını əbədiləşdirmək indiki dövr üçün bir o qədər çətin deyil. Bəli, söhbət məhz hər kəsin sevdiyi şəkillərdən gedir. Ancaq, razılaşmalıyıq ki, bəzən öz uğursuz şəklimizi görərkən onu həmin an silməyə tələsirik. Lakin bunun qarşısını almaq və şəkillərdə daha gözəl, fotogenik düşmək üçün nələrə diqqət edilməlidir?

Bunun üçün Ölkə.Az olaraq sizə ən mühüm tövsiyələri təqdim edirik:

1. Mükəmməliyə "Əlvida!" deyin.

Bir ços peşəkar fotoqraflar iddia edir ki, hər bir insan doğuluşdan fotogenikdir. Elə insanlar var ki, şəkildə pis düşdüyünü zənn edir. Bu isə o deməkdir ki, onlar özlərinə qarşı çox tələbkardırlar və yumor hissindən məhrumdurlar. Ancaq perfeksionizm insan üçün ən böyük düşməndir. Şəkil çəkdirərkən özünüzü olduğu kimi təqdim edin və mükəmməl olmağa çalışmayın.

2. Ən ideal rakurslarınızı tapmağa çalışın.

Uğurlu şəklin ərsəyə gəlməsi üçün öncədən hazırlanmış ideyalara ehtiyac var. Siz hansı rakursdan çəkiləcəyinizi, hansı pozada olacağınızı müəyyən etməlisiniz. Özünə əmin olan insanlar bədahətən şəkil çəkdirməyi xoşlayırlar. Yeniliklərdən qorxmayın, özünüzü müxtəlif obrazlarda sınayın və sonda sizə lazın olanı mütləq tapacaqsınız.

3. Rahat olun və emosiyalarınızı ələ alın.

Kameras qarşısında qorxulardan qurtulun. Nə qədər gözəl geyinsəniz və nə qədər gözəl olsanız belə, əgər içinizdə qorxu hissi varsa, kənardan şəkil uğurlu görünməyəcək.

4. Dərinizin təmizlik və sağlamlığına nəzarət edin.

Hər bir insan üçün təmiz dəri özünə əmin olmaq üçün əlavə stimuldur. İdeal dəriyə sahib şəxslər heç bir fotoaparatdan qorxmur və böyük həvəslə obyektivlər qarşısına keçir.

5. Təcrübəli fotoqraf tapın.

Əgər bu məsləhətlərdən heç birinin faydası yoxdursa, üzülməyin. Ətrafınızda olan peşəkar və təcrübəli fotoqrafın yardımından yararlanmağa çalışın.

Ölkə.Az