Facebook profil şəklini göyqurşağına boyayanlara kələk gəldi

Milyondan çox insan gey nikahları dəstəkləmək üçün Facebook-da öz profil şəklini göyqurşağı filtri ilə dəyişdi. Yeni məruzə bu alətin heç də yaxşı bir şey olmadığını göstərir.

Bu vasitə sadəcə Facebook-un istifadəçiləri üzərində apardığı psixoloji eksperiment olub.

Masaçusset Texnologiyalar İnstitutunun eksperti Sezar İdalqo öz səhifəsində yazıb:

“Məsələ insanların bu vasitədən nə qədər istifadə edəcəkləri və əvvəlki fotoşəkillərini nə zaman geri qaytaracaqlarından ibarət idi”.

Ekspertlərin sözlərinə görə, bu vasitənin yardımı ilə Facebook öz istifadəçilərinə təsir yollarını öyrənə biləcək.

Bu, birinci dəfə deyildi. 2013-cü ildə onlar istifadəçiləri homoseksuallar arasında nikahı dəstəkləmək üçün, öz fotoşəkillərini göyqurşağına boyamasına nəyin sövq edə biləcəyinə dair tədqiqat dərc etmişdilər.

Uoriks Universiteti nəzdində Biznes məktəbinin dossenti Suzi Mot bəyan edib ki, Facebook kimi biznes üçün istifadəçilərə təsirə dair tədqiqatların aparılması normaldır. Bununla yanaşı, o qeyd edib ki, istifadəçilər bundan narahat ola bilərlər.

“Digər tərəfdən insanların razılıqları olmadan sırf eksperiment məqsədi ilə manipulyasiya olunduqlarını öyrəndikdə kədərlənə biləcəkləri aydın məsələdir, - o deyib. – Facebook istifadəçi bazası o qədər genişdir ki, hər kəs eksperiment obyekti olub-olmaması ilə maraqlanır”.

Amma Facebook bu ittihamları təkzib edir. Sosial şəbəkənin nümayəndəsi DailyMail.com-a bəyan edib:

“Bu, eksperiment deyildi. Bu vasitənin yardımı ilə insanlar LGBT-yə öz dəstəklərini Facebook-un yardımı ilə göstəriblər. Bu vasitə insanlar haqqında məlumat almaq üçün deyil”.oxu.az

Ölkə.Az