"Facebook"la düşüncələrinizi göndərə biləcəksiniz

Zukerberq: “Bu, yaşadığımız ən yüksək əlaqə səviyyəsi olacaq”

Ölkə.Az xarici mətbuata istinadən xəbər verir ki, “Facebook”un qurucusu Mark Zukerberq “Ünsiyyəti daha da yaxşılaşdırmaq üçün hazırlamağı düşündüyümüz bəzi trendlər var” başlığı altında mesaj yayımlayıb.

Zukerberq bildirib ki, əvvəllər insanlar mesaj yazarkən sadəcə mətnlərdən istifadə edirdilər, indi isə demək olar ki, şəkil göndərilir:

"Vaxt keçdikcə video göndərmək daha ön plana keçəcək. Bunlardan sonra isə duyğuları və duyğu təcrübələrini də insanlarla paylaşmaq mümkün olacaq. Ümid edirəm ki, gələcəkdə texnologiya sayəsində bir-birimizə düşüncələrimizi göndərə biləcəyik. Ağlınıza gələn bir düşüncə istədiyiniz vaxt dostlarınız tərəfindən də sınaqdan keçirilə biləcək və bu, yaşadığımız ən yüksək əlaqə səviyyəsi olacaq”- deyə, Zukerberq əlavə edib.

Ölkə.Az