Küçədə gəzən hər kəs pulsuz internetə qoşula biləcək

"Google"dan pulsuz "Wi-Fi" xidməti

Ölkə.Az xarici mətbuata istinadən xəbər verir ki, “Google” şirkəti Nyu Yorkda bütün dünyada yeni dövrü başladan layihəsinə start verir.

Şirkət bütün dünyaya olduqca surətli və pulsuz Wi-Fi planına bu il başlayacaq. İlk dəfə sentyabr ayında Nyu Yorkda başladılan sistem ilə küçədə gəzən bütün insanlar internetdən pulsuz istifadə edə biləcək.

Nyu Yorkdakı telefon kabinələri sentyabr ayında yerini interfeysiyə oxşayan ekranlara buraxacaq və burada telefon üçün enerji doldurmaq, ölkədaxili pulsuz zəng etmək və s. kimi xüsusiyyətlər olacaq. Kabinələrin ən vacib xüsusiyyəti 50 metrə qədər ərazidə xidmət edəcək çox surətli Wi-Fi bağlantısının olmasıdır.

Şirkətin 12 il ərzində 500 milyon dollar reklam gəliri əldə etməsi gözlənilir. “Google” bu yeniliyin daha sonra hansı şəhərlərdə tətbiq olunması barədə məlumat verməsə də, yavaş-yavaş yaymaq istədiklərini vurğulayıb.

Ölkə.Az