Oruc tutanlara mühüm
Ramazan ayında yağlı və isti yeməklər səhhətinizə ciddi ziyan vurur.
Ölkə.Az Türkiyə mətbuatına istinadən xəbər verir ki, Ramazan ayında tez-tez rast gəlinən mədə narahatlığına görə həkimlər vətəndaşlara xəbərdarlıq edib. Xüsusilə iftardan sonra yağlı və çox yemək yeyildiyi zaman mədə ağrılarına qarşı razyana çayı tövsiyə edilir.
Oruc tutan şəxslər gün ərzində 16-17 saat ac qalırlar və birdən-birə çox yemək yeyildiyində mədədə həzmsizlik və şişkinlik əmələ gələ bilər. Təzə bişmiş və isti yeməyin yeyilməsi mədəyə olduqca ziyan vurur. Bu səbəbdən həkimlər həmin yeməkləri yeməzdən qabaq 5 dəqiqə soyumasını məsləhət görürlər.
Ədviyyatlı və qızartma yeməklər də mədədə həzmsizlik yarada bilər. Mədədə olan həzmsizliyi aradan qaldırmaq üçün isə razyana çayından istifadə edə bilərsiniz. Həzmsizlik olmadığı zamanda da B,C vitaminləri və digər mineral maddələrlə zəngin olduğu üçün razyana çayından istifadə etməyinin sağlamlığınızın qorunması üçün olduqca faydalıdır.
Ölkə.Az
