"Google"da gecə saat 3-də erotik hekayə axtaranlar

Google şirkəti vaxta görə axtarış nəticələrini jurnalistlərlə bölüşməklə öz istifadəçilərinin bəzi vərdişlərini aşkara çıxarıb.                        

Həmin nəticələr təəcüblü olduğu qədər həm də maraqlıdı.

Google-un aqreqatlarının nəticələrindən kiçik bir "porsiya" götürüb araşdırsaq görərik ki, bəzi axtarışlar günün müəyyən vaxtından daha çox olunur. Dəqiqəsinə qədər müəyyən edilə bilən axtarışların səhər-səhərə olan nəticələri daha çox "xəbərlər" və "dualar" haqqındadı. 8.30-dan 10.30 arası "blok olunmamış oyunlar"haqqında məlumata tələbat artır. Çox güman burda söhbət müxtəlif tədris müəssisələrində yaradılan sistemlərin blok edə bilmədiyi oyunlardan gedir. Yəni, şagirdlər dərsə qulaq asmaqdansa məktəbdə oyun axtarırlar. 

Məlumatlar onu göstərir ki, dünya əhalisi daha çox səhərlər zəbər oxumağı sevir. Düzdü, Britaniyada bu onların ənənəvi lunch vaxtı da davam edir. Yaponlar isə həmin vaxt tətil günlərinin planlaşdırılması və bilet sifarişi ilə məşğul olurlar. Belçikada günortalar alış-veriş edənlərin sayı artır.

Gecə saat 2-dən səhər 4-ə qədər insanların fəlsəfi düşüncələri oyanır. İnsanlar yatmaq əvəzinə Google-a"düşüncə nədir?", "iradə azadlığı varmı?", "başqa planletlərdə həyat varmı?" kimi suallar verməyə başlayır. Bu suallardan əvvəlsə, gecə saat 1-dən 2-yə qədər olan müddətdə "marixuana rızlasını necə bükməlisən" axtarışı baş verir. Təbii ki, həmin sualların haradan qaynaqlandığını da buradan başa düşmək olar.

"Prezervativi necə taxırlar" və ümumiyyətlə kontrasepsiya ilə bağlı suallar isə adətən saat 22:28-dən sonra aktual olur. "Porno" axtarışları gecə saat 2-də özünün ən pik nöqtəsinə çatır. Sən demə dünyada böyüklər üçün film axtaranlar arasında kişilər üç dəfə daha çox say təşkil edir. Qadınlarsa gecə saat 3-5 arası "erotik hekayələr" axtarır. "Vibrator" axtarışları isə qadınlarda nədəndsə ən çox gecə saat 4-də olur.

Axtarış sisteminin nəticlərini araşdırmaq yeni trendi. Bu nəticələr gözlənilməz qanunauyğunluqları ortaya çıxarmağa imkan verir. Məsələn 2009-cu ildə iqtisadçılar internetdəki axtarış nəticələrinin məlumatlarına əsas maraqlı faktı aşkar etmişdilər: futbol oyunun hesablarından sonra polisə müraciətlər artır. Və bundan belə qənatə gəlinmişdi ki, yerli komandaların məğlubiyyəti qadınlara qarşı zorakılığı artırır.

(www.the85.az)