Həyəcan təbili: Bu soxulcanların nəcisi daş divarları da dağıdır - FOTO

Ölkə.Az xarici KİV-ə istinadla xəbər verir ki, 1948-ci ildə Yaponiyadan Avstraliya zooparkına gətirilən bu soxulcanlar təhlükə zamanı 30 düym tullana bilir.

“Dəli soxulcanlar” kimi tanınan bu canlılar ilk dəfə 1948-ci ildə Bronks zooparkında Avstraliya platypuslarını qidalandırmaq üçün Yaponiyadan gətirilib. Onlar 2012-ci ildə Sandi qasırğasının təsiri ilə ağaclara və torpağa yayılıblar.
Soxulcanlar indi ABŞ-ın 34 ştatında aşkar edilib və hazırda şimal-şərqdə sürətlə yayılır.

Tullanan qurdlar digərlərindən fərqli olaraq ağ zolaqlara malikdir. Bu canlılar kütləvi şəkildə 20 sm uzunluğa çata bilir və torpaq səthində davamlı olaraq barama əmələ gətirir.

ABŞ Kənd Təsərrüfatı Təcrübə Stansiyasının mütəxəssisi Dr. Qal Ridg sözügedən soxulcanların torpağı çirkləndirdiyini, sabitliyi pozduğunu və istixana qazı emissiyalarının 50 faizə qədər artmasına səbəb olduğunu bildirib. Qurdlar həmçinin torpaqda yaşayan heyvan icmalarını məhv etməklə hədələyir, millipedlərə, salamandrlara və yerdə yuva quran quşlara mənfi təsir göstərir.

Mütəxəssis bildirib ki, “dəli soxulcanlar”ın tünd rəngli tullantıları torpağın üst qatının tərkibini dəyişir, toxum banklarını və göbələkləri məhv edir, bitkilərin və ağacların köklərini zəiflədir. O, əlavə edib ki. tullanan qurdların nəcisləri hətta Nyu-İngiltərədə bir neçə daş divarı yıxıb.

Q.Ridgin sözlərinə görə, soxulcanlar həmçinin civə və qurğuşun kimi zəhərli metalları toplaya bilər, sonra quşlar və digər heyvanlar tərəfindən yeyilir.

Fidan
Ölkə.Az