Yuxuda ölümcül xəstə olduğunu gördü, həkim təsdiqlədi
İrlandiyanın Dublin sakini yuxu sayəsində ölümcül diaqnozdan xəbər tutdu, bundan sonra həkimə getdi və müayinə olundu.
28 yaşlı dörd uşaq anası Şennon Merfi yuxuda onkositologiya üçün yaxma götürmək üçün ginekoloqa getdiyini söylədi. Qadının sözlərinə görə, hər şey o qədər real olub ki, yuxunu xəbərdarlıq kimi qəbul edib və həkimə gedib.
İyunun sonunda, ad günü ərəfəsində Merfi testlərdən keçdi və nəticəni gözləməyə başladı. Bayramdan bir gün əvvəl ona klinikadan zəng gəldi və ondan dəstək üçün yaxın bir qohumla qəbula gəlməyi xahiş etdilər. Qadın dərhal şübhələnməyə başladı. Həkimin analizlərə münasibət bildirməsi və xəstənin uşaqlıq boynu xərçəngi olduğunu deməsi onun qorxusunu təsdiqləyib.
İndi Merfi əməliyyata hazırlaşır və bütün qadınları öz sağlamlıqlarına diqqətlə nəzarət etməyə və ginekoloqun mütəmadi müayinəsindən keçməyə çağırır.
