Pirlərə inanırsınızmı?

Hər kəsə məlumdur ki, bineyi-qədimdən və elə bu günün özündə müxtəlif pirləri ziyarət edən insanlar var.

Onların bəziləri məsafələri qət edərək müqəddəslərin qəbir, ev və onlara aid oan əşyaları ziyarət etmək istəyirlər.

Elmi dildə bunu fetişizm adlandırırlar. Fetişizm - maddi əşyalara itaətə əsaslanan dünyagörüşüdür. Fetişizm Azərbaycan mifik görüşlərində özünə xüsusi yer tutur. Türk təfəküründə fetişləşən varlıqlardan ilkini odun əldə edilməsi ilə yaranmışdı. Mağaralarda qalanan ocaqlar müqəddəsləşdirilərək nəslin davamlılığını bildirmişdi. Təsadüfi deyil ki, dilimizin məhsulu olan "ocaq" sözü arxetipik simvola çevrilərək əksər xalqlara keçmiş və eyni mənada işlənmişdir.

Pirləri, ocaqları ziyarət edən kəslərin məqsədləri də ayrı-ayrı olur. Kimisi şəfa tapmaq, kimisi var-dövlət əldə etmək, kimisi övlad həsrətinə son qoymaq üçün bunu edir.

Bəs, görəsən, Bakı şəhərinin sakinlərinin buna münasibəti necədir?

Ölkə.Az-ın çəkiliş heyətinin hədəfində bu məsələ oldu. Beləliklə, pirlərə inamla bağlı videosorğunu sizə təqdim edirik:

Çinarə Vahabzadə və Nurlan Gülməmmədov

Ölkə.Az