Çində 12 gündür dövrə vuran qoyunlar hər kəsi təəccübləndirdi - VİDEO
Ölkə.Az “İndependent Türkcə”yə istinadla xəbər verir ki, onlarla qoyunun bir yerdə dövrə vurduğu görüntülər qısa zamanda sosial şəbəkələrə viral olub.
Hadisə Daxili Monqolustan Muxtar Vilayətinin Baotou şəhərində baş verib. Təsərrüfat sahibi bildirib ki, əvvəlcə bir neçə qoyun dövrə yaradaraq fırlanmağa başlasa da, daha sonra digər qoyunlar da onlara qoşulub.
Təsərrüfat sahibi qadın qoyunların 12 gündür dövrə vurduğunu deyib.
Dövlət qəzeti “People's Daily” qeyd edib ki, qoyunlar sağlamdır və davranışının səbəbi məlum deyil.
Qeyd edək ki “listeria monocytogenes” bakteriyası ilə çirklənmiş qidaların istehlakı nəticəsində yaranan “Listeria” xəstəliyi heyvanların dövrə vurmasına səbəb olur. Baytarlar xarab yemin bu xəstəliklə əlaqəli olduğunu deyirlər. Xəstəlik nəticəsində beyindəki iltihab bir dairədə dönmə davranışına səbəb olur.
Billurə
