9 dəqiqədə 1.6 milyonluq oğurluq etdilər

Ölkə.Az “Star” qəzetinə istinadla xəbər verir ki, Bavariyanın Mançinq şəhərindəki muzeydən 9 dəqiqəlik quldurluq nəticəsində yüzlərlə kelt sikkəsi oğurlanıb.

Oğrular təxminən 1,6 milyon avro (təxminən  2 milyon 800 min manatdan çox – red.) dəyərində kelt qızılını oğurlayıblar.

Ehtimal olunur ki, oğrular muzeyin siqnalizasiya sistemində təxribat törədib.

Polis oğurluğun əvvəlki quldurluqlarla əlaqəsinin olub-olmadığını araşdırır. Səlahiyyətlilər oğurluğun arxasında mütəşəkkil cinayətikar dəstənin dayandığını güman edirlər.

Qeyd edək ki, 2017-ci ildə Berlindəki bir muzeydən 100 kilo qızıl sikkə oğurlanıb.
İki il sonra oğrular Drezdendəki Yaşıl Vault muzeyindəki almaz soyğununda 21 ədəd zinət əşyası və digər qiymətli əşyaları oğurlamışdılar.

Fidan