“Ronaldonu xərclədilər” - Ərdoğan
Türkiyə Prezidenti Rəcəb Tayyib Ərdoğan portuqaliyalı ulduz futbolçu Kriştianu Ronaldonun siyasi sanksiyalara məruz qaldığını bildirib.
“Ölkə.Az” Türkiyə mediasına istinadən xəbər verir ki, Ərdoğan jurnalistlərin dünya çempionatı ilə bağlı sualını cavablandırıb.
"Ronaldo Fələstin məsələsinin qayğısına qalan biridir. Təəssüf ki, Ronaldoya qarşı siyasi sanksiyalar tətbiq etdilər. Ronaldo ilə Messini müqayisə etmək bizə yaraşmaz, amma Ronaldonu xərclədilər. Ronaldo kimi futbolçunu ikinci hissəyə qoymaq heç düzgün deyil. Baş verənlər Ronaldonun psixologiyasını və bütün enerjisini əlindən aldı. Mənə çatan məlumata görə, Ronaldo indi Səudiyyə Ərəbistanına gedir", - deyə Ərdoğan əlavə edib.
Ərdoğan Qətərdə keçirilən Dünya çempionatının finalından sonra Fransa prezidenti Makrona nə dediyinə də açıqlayıb: “Mən Makrona dedim ki, üzülmə. Argentina çox yaxşı oynadı”.
