Kişilərin zehni inkişaf və fiziki sağlamlıqlarının əlaqəli olması sübut edildi
Danimarka həkimləri kişilərin erkən yetkinlik yaşında zehni inkişafı ilə orta yetkinlik yaşında fiziki sağlamlığın əlaqəsi olmasını sübut edən tədqiqat aparıblar.
Tədqiqatın nəticələri Journal of Aging and Health jurnalında dərc edilib.
Araşdırmada 1953 və 1959-1961-ci illərdə doğulan 2848 kişi iştirak edib.
Həkimlər onların müstəqil həyat dövrünün əvvəlində zehni inkişaf səviyyəsi ilə fiziki sağlamlıqları arasında olan əlaqələri təhlil ediblər.
Öz müşahidələrinin nəticələrini alimlər belə izah edirlər ki, daha yüksək zehni inkişafa malik kişilər sağlamlığın qorunması üçün tibbi məlumatları, o cümlədən müntəzam fiziki məşqləri və pəhrizi, daha yaxşı təfsir edirlər.
Həkimlər qeyd edirlər ki, bu tədqiqatlar yaşlı insanların fiziki fəallıqlarının qorunmasına yönəlmiş gələcək sosial təşəbbüslərin planlaşdırılmasında vacib rol oynayacaq. (
