Dünyanın sonu...

Dinozavrların nəslinin kəsilməsinə səbəb olan böyüklükdə asteroidin gələn ay dünya ilə toqquşacağı dedi-qoduları internetdə ən çox haqqında bəhs edilən mövzulardan biridir.

Ölkə.Az xəbər verir ki, dünyanın sonunun bununla da gəldiyini iddia edən "fəlakət dəllalları" sentyabrın 15-28-i aralığında büyük bir asteroidin Porto-Riqoya düşəcəyini deyirlər.

Britaniyanın "The Mirror" qəzetində dərc edilən həmin xəbərdə dinozavrların yox olmasına səbəb olduğu iddia edilən böyüklüyündə asteroid Atlantik okeanı boyunca təqribən 90 metr yüksəkliyində tsunami əmələ gətirəcək və bu da Böyük Britaniya, İspaniya, Niderland və Amerika qitəsinin şərq sahilləri boyunca böyük bir hissəni yox edəcək. Xəbərdə bu fəlakətdə təqribən 30 milyon insanın da öləcəyi bildirilir.

Bütün bu fəlakət ssenarilərinə NASA-dan da açıqlama gecikməyib. Belə ki, potansial olaraq təhlükəli ola biləcək asteroidləri incələyən NASA mütəxəssisi Paul Çodas (Paul Chodas) yuxarıda qeyd edilən tarix aralığında hər hansı bir asteroid yaxud göy cisminin dünyaya təsir etməyəcəyini açıqlayıb.

Son dedi-qoduların mənbəyinin Efrain Rodriguez adlı bir din adamı olduğu təxmin edilir.

Ölkə.Az