Göydən soxulcan yağdı, görənlər heyrətə düşdü - VİDEO

Çinin paytaxtı Pekində naməlum səbəbdən göydən soxulcan yağıb.

Ölkə.Az “Posta” qəzetinə istinadla xəbər verir ki, sosial şəbəkələrdə soxulcanların avtomobilləri və küçələri bürüyən görüntüləri yayılıb. 

Çin rəsmiləri vəziyyətlə bağlı hələlik açıqlama verməyiblər. 

Lakin hadisə ilə bağlı bir çox nəzəriyyələr ortaya çıxıb.

Ölkədə nəşr olunan elmi jurnalın təhlilinə görə, güclü külək soxulcanları qaldıraraq havaya sürükləyib. Paytaxt Pekində küləyin sürəti azaldıqda isə soxulcanlar yağış kimi yerə düşüb. Belə hadisələrin fırtınadan sonra baş verdiyi deyilir.

Bəzi sosial şəbəkə istifadəçiləri görüntülərin qovaq ağacının çiçəkləri ola biləcəyini bildirib. Çiçəklər yerə düşəndə çox zaman onları tırtıllarla səhv salırlar.

Xatırladaq ki, buna bənzər hadisə 2011-ci ildə Şotlandiyanın paytaxtı Edinburqda da baş vermişdi.

Günay