8 arvadı, 7 sevgilisi, 107 uşağı var: “Bir qadın üçün çox ağıllıyam” - FOTO

İlk dəfə 1987-ci ildə evlənən Davud Zakoya, qadın tərəfindən idarə olunmayacağını düşünərək bir çox qadınla evlənib, həmçinin başqa qadınlarla münasibət qurub.

Ölkə.Az “Sunday Nation” qəzetinə istinadla xəbər verir ki, bir qadın üçün çox ağıllı olduğunu iddia edən Kenyalı Zakoyanın 8 həyat yoldaşı, 7 sevgilisi və 107 uşağı var. 

"Ağlımdakı insanı tək bir qadın idarə edə bilməz. İnsan beyni böyük bir qarğıdalı çuvalına bənzəyir, hərəkət rahatlığı üçün kiçik parçalara bölünməlidir. Beynin və ideyaların miqdarını idarə etmək üçün mənə çoxlu arvad lazımdır. Mən bir qadın üçün çox ağıllıyam”.- söyləyib.

Bölgəsinin standartlarına görə yoxsul hesab edilən Davudun yarım hektar qarğıdalı sahəsi var. Bundan əlavə, şəkər qamışı da yetişdirir.

Ailəsini dolandırmaq üçün üzləşdiyi çətinliklərə baxmayaraq, Davud gənc qadınlarla evlənməyə davam edəcəyini bildirib.

O, özünü İncildə adı çəkilən 700 arvadı və 300 sevgilisi olan kral Süleymana bənzədir.

Günay