İkinci Yelizaveta haqqında serial çəkilir

"Daunton Abbatlığı" serialının dünya uğuru göstərdi ki, tamaşaçılar Britaniya dramına heyran olublar. Məhz buna görə Amerikanın "Netflix" videoservisi ikinci Yelizaveta barədə çoxseriyalı dram filminə 157 milyon dollarlıq sərmayə yatırıb.

Ölkə.Az buro.247.az saytına istinadla xəbər verir ki, "Tac" adlı serial kraliçanın müharibədən sonrakı hakimiyyəti və onun baş nazirlərlə qarşılıqlı münasibətləri barədə olacaq. Bu serial "Netflix"in ən bahalı ekran əsərlərindəndir. Şirkət 6 hissədən ibarət 60 epizod hazırlayır. İlk iki mövsümdə kraliçanın obrazını Kler Foy canlandıracaq.

Məlumata görə, serial gələn il efirə çıxacaq. Artıq dramın çəkilişlərinə başlanılıb.