Anaların hər zaman ən doğrusunu bildiyi sübuta yetirildi - ARAŞDIRMA

İngiltərədə aparılan araşdırma anaların hər zaman haqlı olduğunu üzə çıxarıb.

Ölkə.Az xarici KİV-ə istinadla xəbər verir ki, bu barədə İngiltərədə poçt xidmətləri göstərən “Post Office”in araşdırma aparıb. Qeyd olunur ki, övladlar 26 yaşından sonra analarının haqlı olduğunun fərqinə varır və onlara vaxtında qulaq asmadıqlarına görə peşman olurlar.

Belə ki, araşdırmada iştirak edən hər 10 nəfərdən 6-sı övlad sahibi olduqdan sonra tamamilə analarının sözünə qulaq asırlar. Ən çox haqlı hesab edilən ana nəsihəti “Özünə necə münasibət göstərilməsini istəyirsənsə, başqalarına da elə davran”olub.

Araşdırmada iştirak edənlərin 42%- sözügedən nəsihəti ən haqlı nəsihət hesab edib.
Araşdırmalara görə, insanların 35%-i ana sözünə vaxtında qulaq asmadığına görə peşman olur. 
Sorğuda iştirak edən 20% iştirakçı 31 yaşından sonra gün keçdikcə analarının gəncliyinə bənzəməyə başladığını düşünür.
Hər 10 nəfərdən 4-ü isə analarının ən yaxşı dost olduğunu hesab edir.
Araşdırmada həmçinin qulaqardı edildiyinə görə ən çox peşman olunan nəsihətlər də yer alıb:
1. Ailə hər şeydən əvvəl gəlir;
2. Həyat hər zaman ədalətli olmur;
3. Kiçik nəzakətin ömrü uzun olur;
4. Çox çalış;
5. Nə vaxt üzr istəyəcəyini bil;
6. Qəpiyinin belə qədrini bil;
7. Paltar yuyanda rənglilərlə ağları ayır;
8. Dalaşdıqdan dərhal sonra yatmağa getmə;
9. “Xahiş edirəm” deməyi və sözlərinin arxasında durmağı unutma;
10. Hər şeyin bir həddi var;
11. Tərəvəz yeməyi nutma;
12. Keçmişə ilişib qalma;
13. Bütün körpüləri yandırma;
14. Her zaman yatdığın yeri yığışdır.

Billurə Yunus